إن وقع ال.......تكتر سكاكينه
السلام عليكم ورحمه الله وبركاته
مدونتى طبعا لسه جديدة واساسا انا دوخت علما عملتها ولانى جاهله فى بحور التدوين فالى حصل فى مدونتى ده إبداع منى بجد وهى لسه جديدة يعنى
بس انا حابه كمان اشكر اول انسان علق فى مدونتى المتواضعه والى ساعدنى كتير بكلامه ليا وتشجيعه المتواصل بجد عاوزة اشكره كتير اوى اوى ...شكرا ليك اوى بجد
نيجى بقى للموضوع الى انا المفروض داخله اكتبه طبعا كلنا قرأنا وشوفنا فى كثير من القنوات عن قضيه الدكتورة هاله سرحان وقناة روتانا وموضوع التلفيق والفبركه لحلقات ( بنات الليل) وانا مش داخله عشان اقول رأى ولا عشان اقول ان الدكتورة غلطانه او عدمه ولانى اساسا اتكلمت فى الموضوع ده كتير ومش شايفه انى هنزل فى مدونتى موضوع عنه ولكن الى لفت نظرى وخلانى يعنى قولت لازم اكتب الموضوع ده يعنى لازم بصراحه هو خبر قرأته وهو كالآتى
نقاش يقاضى روتانا وهاله سرحان
قام المواطن محمود عبد الفتاح السيد (27 سنه ) يعمل نقاشاً بعمل بلاغ ضد د\ هاله سرحان وقناة روتانا وقال فى بلاغه انه كان يشاهد البرنامج مع اسرته واخوته البنات عندما كان يعرض حلقه بنات الليل والعلاقه الجنسيه بين الرجل والمرأة واكد ان هذه الحلقه استفزته واسرته وتسببت لهم فى ضرر نفسى وجرح لحيائهم وان مضمونها يدعو الى الفجور وطالب بإتخاذ الاجراءات القانونيه
وقال مشددا انه لا يعنيه اذا كانت الحلقه مفبركه او حقيقيه وما يعنيه هو جرح الحياء
ده مجمل ما نشر وما حد من قبل المواطن المذكور اعلاها ............ وزى مبيقولوا ان وقع ال ........تكتر سكاكينه
يعنى الاخ اول مره يتفرج على برنامج هاله شو وهو مبيتجرحش حيائه الا من الحلقه الى الدنيا قامت بسببها مدائما دكتورة هاله بتناقش القضايا المثيرة والجريئه جدا جدا ودى مش اول مرة ابدا تناقش مواضيع لها علاقه بالجنس مثلا زى مهو وارد انه جرح حيائه
انا مش مع دكتورة هاله ورغم انى شخصيا كتير مواضعها تستفزنى بس مش دى اول مره عشان يفتكر يشتكيها ولا هو السعى من الشكوى والبلاغ من اجل ايه بالضبط؟ هل هى الشهره ولا المال الى من الهوا؟ مقدرش اجزم بشىء الله اعلم
بس اعتقد ان فعلا ده بقى شىء زياده عن اللزوم ومش معنى حتى لو هى فعلا الحلقات متفبركه وانه شىء غلط نقوم نكون مستغليين بالشكل ده
وفعلا ان وقع ال........ بتكتر سكاكينه اوى اوى اوى
وسلام
هناك ٥ تعليقات:
فعلا
فيه ناس كتير بتخلص تارها من هالة
وميرسي على الشكر
العفو ده من واجبك عليا لان انت عارف اد ايه كلامك اثر فيا
شكرا ليك
bosy ya shaimaa.. da ensan zayat :S
kol wa7ed kan shayel mnha ra7 metla3 ely 3ndo fel zeta :S
w besra7a el mwdo3 ah mostfez law kanet mfbrkah w yedye2 law kan 7a2e2y .. bas mystahlsh kol da :S masr malyana masyeb testahel enena nhtm beha aktar :S
~ Bato0ot ~شكرا ليك على ردك وفعلا عندك حق فى الى قولته الموضوع فعلا يدايق من النحيتين بس انا كل الى كنت بحاول اوصله ان فعلا لو حتى دكتورة هاله غلطت او حتى هى لو فعلا فبركت الموضوع يكون فى حدود معينه لمحاكمتها لو وصل الامر مش كل من هب ودب يكلم؟
وعلى فكره بقى هى اكلمت او مكلمتش مالموضوع ده مالى البلد وكل الناس بتشوفه ولا هو احنا مبنحبش نعمل الحاجه الا فى السر؟
وعلى رأيك فى حاجات كتير اوى اوى فى البلد اهم ويمكن بقى كل الحاجات مهمه اننا نحاول نكلم عنها او ندافع عنها
شكرا ليك مره تانيه
بصى انا عارف ان الموضوغ من قرن فات بس وانا بتصفح مدونتك سريعا عجبنى اوى البوست والاخ الغلس ده
فقلات قرن ولا قرنين انا هاعلق والسلامه
رغم ان هالهسرحان بورسعيديه بس انا بكرهها وما ينفعش نتسامح معاها بس ان واحد يكون مثلا مداء منها اوى كده زى الاخ لدرجه انه يرفع بلاغ طب صبر المده دى كلها ليه وثبر السنين دى كلها ليه وبعدين هوه عارف انها مستفذه طب قوم يا اخى مش هيه بتجرح حياءك طب اقفل التليفزيون ده انت ....
إرسال تعليق