المدونـــــون يتكلمـــــــون ..وثالث حوار
اهلا بيك يا مصطفى فى المدونون يتكلموناهلا بيكِ وبكل المدونين
سؤال اجبارى ..بطاقة تعارف ؟
انا شاب عادى جدا جوايا احلام كتير ..نفسى اعمل فرق
ومكنش مجرد عدد فى سكان مصر
اسمى مصطفى فتحى
عندى 25 سنه
من القاهره ..بس اصلى من الصعيد الجوانى
بكالوريوس إعلام ..وحاليا طالب فى ماجيستير عن الصحافه الشبابيه
دخولك مجال الصحافه ...عن حب؟
مش مجرد حب...ده عشق جنون
من امتى العشق ده؟
من الصف الثالث الاعدادى ..لما اتفرجت على فيلم بطل من ورق عجبتنى آثار الحكيم قلت لوالدى انى عايز اكون صحفى
فى الفتره دى كنت مراسل لمجلة سمير، يعنى كنت صحفى وانا لسه صغير ، وحلمى كبر جوايا
قصة إنشائك للمدونه يا مصطفى ؟
المدونه دى حدوته ، كان نفسى اعمل حاجه اعبر بيها عن نفسى فقررت اكتشف عالم المدونات
اتعلقت بيها واصبحت مجنون بمدونتى ..صاحبتى ..بحس ان الى بيكتب فيها واحد غيرى ، واحد جوايا
بيكتب بكل حريه ومن غير خوف
يعنى انت بتكتب الي بيعبر عن نفسك جوه المدونه ولا انت راسم خط سير معين لنفسك؟
المدونه جزء من وسائل التعبير عن الذات ، بس هى الجزء الاكبر فى حياتى
عندى وسائل تانيه ملحق الشباب فى جريدة شباب مصر ، مجلة كلمتنا
مصطفى ..هل فى فرق بين انك تعبر عن نفسك وانك تتكلم عن الي جواك؟
بالنسبالى مفيش فرق
لاحظت انك بتعبر عن مشاعرك..بخفة ظل احيانا..وفى نفس الوقت بشكل غير مباشر ..هل ده صحيح؟
عارفه يا شيماء ..انا جوايا حاجات كتير جداً ناس كتير مش فهماها ومتعرفهاش ، ناس كتير بتتهمنى بأنى غامض
ومش واضح
مصطفى فتحى ...شخص خجول؟
مش ديما ، بس حزين ..حزين جدا ، بعشق الحزن
والوحده يا مصطفى ..هل انت وحيد؟
رغم ان ليا تسع اخوات
بس بعيد عنهم
ورغم ان كل الناس قريبه منى
بس صعب حد يفهمنى
الناس ديما شيفانى الشاب المتحمس الناجح اللي وصل لمنصب مهم وهو لسه صغير
المدونه يا مصطفى بصراحه ..مكان مناسب تعبر فيه عن مشاعرك..؟
طبعا ... مش بس مشاعرى ، افكارى واحلامى
بصى ... اى حاجه جوايا احب اقولها على مدونتى ، هقولها فوراً ، بس المهم انى اكون عايز اقولها
مصطفى من غير صحافه ...بيكون ايه؟بيكون شاب فاشل ، محبط ، مكتئب
"صحفى" ... تطلق اللقب ده على مين ؟
الصحفى ، هو الذى يعرف قيمة الكلمة
الصحافة الشبابيه ...عرفنا بيها؟
الصحافه الشبابيه ان الشباب تكتب الى جواها من غير ما افكارها تعدى على فلتر ، او مقص رقيب
ان الورقه والقلم يعبرو عن جيل بحاله ، جيل إتظلم كتير ومعرفش يعلن عن نفسه
مصطفى ...أوصفلى شكل تفكير الشباب دلوأت ؟
الشباب الآن تفكيره إيجابى جدا تفكيرهم اتغير كتير
الشباب كان محتاج فرصه يعبر بيها عن نفسه ، وحصل بأفكاره الهايله ..مشاركة فى العمل التطوعى ..مواقع الانترنت ..المدونات
القنوات الشبابيه ..حتى طلاب الجامعات اختلفوا كتير
انا سعيد بالفتره دى جدا ..
انا بتكلم من وسط الشباب ..مش من برج عالى
نفسك تعمل ايه للصحافه الشبابيه ...وتوصل بيها لفين؟
نفسى اعمل صحافه شبابيه حقيقيه بتعبر عن جيل العشرين فى مصر ، ومش عايز اكون لوحدى علشان كده
انا كونت مجموعه من الصحفيين المتميزين علشان نعمل مع بعض حاجه
مصطفى بتحب الكاميرا امتى ...لما تكشف حزنك ..ولا لما تشهرك..ولا لما تحبك؟
مبحبش اكون ادام الكاميرا ابداً ، لانها بتكشف حزنى للناس احب اكون وراها دايما
لما بكون ادامها بيبان خوفى منها
مع انك بتتصور كتير ..وبتعرض صورك كتير ؟
بعرض الصور الى بتبينى سعيد ، وبكون فرحان بيها جداً
وهل بتعرض الصور على حسب توافقها مع الموضوع ولا بأحساسك بالصورة؟
احساسى بالصورة
ظهورك فى عدة برامج ..ده نجاح بالنسبالك؟
بالعكس ... مش حاسه نجاح خالص وكنت رافض الفكرة وعلشان كده اعتذرت عن برامج كتير
واعتذرت عن عروض شغل فى قنوات فضائيه
عايز اركز فى الصحافه ...وخصوصاًُ كلمتنا
واضح ان فى عشق بينك وبين كلمتنا ؟
كلمتنا بالنسبالى المكان الوحيد الى بيحترم الصحافه الشبابيه
مصطفى ...تقدر تقول على نفسك" ملتزم"؟
اقدر اقول على نفسى بحاول اكون ملتزم
وهو مين الشخص الملتزم من وجهة نظرك؟
الي بيحاول يكون ملتزم ...الإلتزام هو جهاد النفس
والشخص الملتزم مش شخص مثالى
كل من قال " انا ملتزم" ..فهو ملتزم ؟
مادام هو شايف كده
تختلفى معاه او تتفقى دى حاجه تانيه
ليه لما مصطفى إلتزم الى حد ما ... الناس قالت مصطفى بقى إخوانى؟
لأن الناس منتظره اى خطوة علشان تعلق عليها ، رغم انى اعلنت بشكل واضح وصريح
انى مش إخوانى
رأى مصطفى فى الاخوان ...ايه؟
الاخوان جماعه ..يعنى بتتكون من عدة افراد ، مينفعش اقول رأي جماعى فى مجموعة افراد
انا بحترمهم وبحترم تفكيرهم .... ناس اتحبست كتير واتبهدلت ومازالت مصرة على موقفها
لكن انا افضل ان اكون صحفى مستقل
هم فيهم شخصيات هايله ...واكيد فيهم ناس مش كويسه
زى اى جماعه فى الدنيا
تفتكر الدعوه للحديث فى الامور الدينيه ...محتاج جرئه ؟
لا ..ده من حق اى حد ، ان يعلن عن الي جواه لكن فى الفتاوى لا..لازم اكون مؤهل
مثلا انا اعلنت فى مدونتى انى مكنتش بحب سيدنا محمد ..وكنت بعتبره نموذج للعنف والقسوة
قبل ان اقرأ عنه واعرفه جيداً ...واحبه جدا
كتبت موضوع يحمل اسم " مجرد كلام فاضى " احساسك كان ايه وقت مكتبته
و شايف انه بيعبر عن مين ...وهل فعلا فى كلام كتبته من تصور واقعى ؟
الموضوع باين من عنوانه ...انا كنت بتكلم عن جانب من حياة الشباب لأن مفيش شباب مثالى
ممكن اكون ناجح بس حياتى فيها سلبيات
رغم انك شيلت آخر فقره من الموضوع ..والى هى بتعبر عن واقع قوى جدا؟
شيلتها لما بنت قالتلى انها جرحتها جدا..مش لأنى تراجعت عن فكرى ، حسيت اننا لسه ناقصنا شويه لحد ما نتقبل
الفكر الحر
السياسه من وجهة نظرك..تعريفها ايه؟
الكلمه نفسها ملهاش تعريف ..بس هى حاله
انك بتشاركى فى حياة موازيه
إيه مدى جرئتك فى الحديث عن السياسه؟
معنديش اى قيود فى المدونه ،، لكن فى المجلة عندى قيود كتير
حملة اوقات فراغ ..كلمنا عنها ؟
الحمله كانت فكرة فى دماغى قررت انفذها فوراً من شدة حماسى ليها اعلنت عنها على
مدونتى ، لكن جالى عرض من برنامج شبابى ان ينفذوها فى البرنامج وانا وافقت
علشان كدة الحمله هتتوقف فى مدونتى وهعدها فى برنامج شبابى ناجح جدا..ان شاءالله
كل اوجاع مصر...وجدته فى وجهه إمراة عجوز..ما الاحساس الذى راودك عندما حدثتها؟
كعادتى
بكيت
تفتكر المدونين محتاجين ايه دلوأت؟
محتاجين يقربو من بعض اكتر من كده ...يكونو فريق مهما كانت توجهاتهم
فى ندوة كلمتنا ..عرضت ياسمين موضوع جمعية المدونين ..رأيك فيه بصراحه؟
ياسمين شخصيه هايله
عجبتنى على المستوى المهنى ، الفكره عجبتنى جدا بس حسيت ان الموضوع محتاج دراسه وتنظيم علشان
ميكونش عشوائى ..محتاج خطة عمل
والي تم مناقشة فى ندوة كلمتنا ..والحماس لاعمال جديده مستقبليه ..هل كان حماس وقتى؟
لا بالعكس ..فى حاجات كتير هتحصل
انتظرونى قريباً بجد ..بكارثه جديده
بتحلم بأيه لعالم التدوين؟
التدوين فى حد ذاته كان حلم واتحقق
وحلمى انه يستمر حق من حقوقنا للأبد
حلمك العام...محددله مكان يوصل ليه؟
لا ..حلمى ملوش سقف
كلمه للمدونين ؟
شدو حيلكم اكتر من كده ، عايزين نكون اقوى وسيله تعبير فى الدنيا
حاجه جديده تقولها لأصدقائك المدونين محدش يعرفها؟
انا انفصلت عن زوجتى لأنى زوج فاشل جدا
رأيك فى الاسئله ؟
حلوة بس تقليديه شويه ...لكن رأيي فيكى انك صحفية كارثه وهيكون ليكى شأن
هناك ٥٦ تعليقًا:
انا برده اتفق مع مصطفي ان الاسئلة تقليدية شوية
:)
انا هكلمكوا عن مصطفى الإنسان بس و الله ما مجامله
مصطفى انسان جميل جدا و حنين جدا و رقيق جدا و طيب جدا جدا جدا و بيحب كل الناس انتى عارفه لو كل الناس زى مصطفى هيكون مجتمع ملائكه صدقينى باختصار
قلبه جميل aiman.koke@yahoo.com
بصراحه
مصطفي انا مش اعرفه
بس من الحوار واضح انه شخص له هدف وحواره قيم جدا
برافو يا شيماء
حوار ممتع
الاسئلة كانت مباشرة
أتمنى أن أرى في الحوارات القادمة أسئلة أكثر عمقاً وإثارة للتفكير
أحيي مصطفى على صراحته وجراءته
على اعترافه الأخير في آخر الحوار
إلى الأمام دائماً يا شيماء
خالص تحياتي
شادى فايد
انا بردو اتفقت مع مصطفى
بس ...
:)
تحياتى
مجهول
بجد يا شيخ ايمن انت شرحت مصطفى فتحى بكل صراحه
وفى كلمات بسيطه
بس عميقه
ارجو ان يكون الحوار عجبك
تحياتى
مـحـمـد مـفـيـد
انا سعيده ان الحوار مع مصطفى
عرفك بيه وانت اساسا مش تعرفه
هو فعلا انسان له هدف وهدف جميل
واتمنى انه ينفذه بإذن الله
اشكرك يا محمد
استاذ ياسر حسين
اشكرك
انا عارفه ان الاسئله تقليديه ومباشره واكيد انا هتلافى الموضوع ده
وبجد سعيده جدا ان الناس بتقول رأيها بصراحه
وهو ده المطلوب
اشكرك جدا على تحفيزك ليا
تحياتى
الحوار كالعاده جميل يا شيماء
وشايفه ان الاسئله مش تقليديه بالمعنى
هى مختصره ومفيده وبطاقه تعارف لمصطفى
بس أنا شايفه ان الاجابات كانت عامه نوعا ما
لدرجه انى مقدرتش احدد شخصيه مصطفى اوى
يعنى اخدت الخطوط العريضه اللى ممكن تتشابهه ما بينه ومابين أشخاص كتير
بس اجمالا ممكن أقول ان الحوار كان جيد
ومازلت مصره على انك صحفيه ليها مستقبل يا صديقتى:)
تحياتى
كالعادة برافوا يا شيماء الف مبروك
كلمة حافضل اقولها ان مصطفي استحميل كثير الاحاحي في نشر حوار
ممصطفي شخص جميل بجد و ربنا يكرمك يا ريس
و بالتوفيق يا شيماء
تصفيق حاد ياشيماء
بجد هتفضلى تذهلينى بأسئلتك الذكية التى تخرج ما فى قلب وعقل محدثك
أما مصطفى فتحى الشاب الصحفى الصاعد الواعد فشخصية أكثر من رائعة حقا
آلمنى قوله
انه زوج فاشل
طب ليه جلد الذات دة
مش يمكن اللى يفشل مع حد ينجح مع حد تانى؟
فكر كدة ورد علية
حوارك يا شيماء يدل على انك قارئة جيده جدا ومتابعة وصحفية ممتازة كالعاده كل مره دخل مقدرش اقول حاجه غير اني اسأل ازاي لحد دلوقتي مشتغلتيش في صحيفة كبيره او مجلة عالمية
؟!!!
انا قرات الحوار كله
و اعجبني جدا صراحة مصطفي و سرعة الاسئله و وضوح الهدف منها
لكن كنت اتمني من مصطفي ان لا يجعل الاجابات شديدة العموميه
و شديدة القصر
كان المفروض يستفيض في الاجابه
لكن اعتقد انه كان متاثر في اجاباته بعمله كصحفي يعرف ان كل مساحه في الورق ليها ثمن
ههههههههه
لكن يبدو انه نسي ان الفضاء السيبري لا ثمن للمساحات فيه
عموما الحوار ممتاز
و اتمني لكي و له التوفيق
و احب اعبر عن سعادتي بالحوار القادم قبل ان يتم لاني حاسس انه هيكون الافضل
تحياتي
REEMOO
اهلا بيكى يا صديقتى الجميله ..بصى هى ممكن فعلا تكون تقليديه شويه
انا بتفق مع مصطفى فى الموضوع ده
بس هى مش مختصره ..هى الاجابة ممكن تكون مختصره
مش عارفه
بس انا شايفه ان مصطفى اكلم بجد من قلبه
وعادة الى يعرف مصطفى يعرف انه مش بيكلم عن نفسه كتير
فيمكن علشان كده
بجد انا سعيده بتعليقك جدا
وعاوزة اقولك ان كلامك وكلام الجميع بجد
بيكون حافز ليا
تحياتى لاجمل صديقه
مشربية
انا الى بجد بشكرك على كلامك
وعلى فكره مصطفى شخص بجد بيحب يساعد كل الناس
بالذات الشباب الى زينا الى فعلا محتاجين حد يقف جمبهم
وانت يا محمد بجد حد بيعرف يكتب
شكرا لتعليقك الجميل
وربنا معانا ديما يارب
تحياتى
ياسمين
بجد مش قوى كده ..انا مش عجبانى بصراحه مستوى الاسئله كان معاكى افضل بكتير
بس تعرفى انا بجد بسعد بتشجيعك ليا انتى بالذات
فعلا هفضل اقول كده عليكى عندك حس اموى عالى جدا
ربنا يخليكى يارب
اما بخصوص مصطفى فتحى
فبجد هو مثل اعلى ليا فى المهنه
واتمنى انى اكون حتى ربعه على المستوى الشخصى
تحياتى ليكِ
اسمحولي اقولكم انكم ناس جميلة موت
بحبكم
بس خلاص
مصطفى فتحي
زحل الفلكي
كتاتنى ؟ انت مجامل؟
مش معقول بتتكلم عليا انا؟
انا لسه قدامى كتير جدا جدا جدا
دنا لسه زى مقولت
نقطه فى اول سطر من كتابى
ربنا يخليك يارب لكلامك الجميل ده
تحياتى يا بلدياتى
وبلاش اقول اخويا الصغير
:d
ذو النون المصري
والله دى شهاده اعتز بيها من شخص زيك
اقدر اقول عليه انه مفكر جميل بيعجبنى تفكيره جدا
وإشادتك وكلامك ده تاج فوق راسى بجد
اسعدتنى والله
واسعدنى تنبئك ويارب اكون عند حسن ظنك
وحسن ظن الجميع
تحياتى ليك
مصطفى فتحي
تسمحلى اقولك ان بجد
الناس دى شيفاك اجمل
اتمنى انك تفضل متابع الحوار ديما
تحياتى ليك
هاتبدئى تخشى فى مستوى الثبات
كدة بدا كلامك يبقى اسن شوية التنظيم
ياخد صفة التعود
تحياتى
.:.-=- ELGaZaLy-=-.:.
مش هيحصل انى اكون ثابته ابدا
لأنى عاوزة اكون فى انتقال لمستوى اعلى
وانتظر بجد
حاجه جديده جدا
فى الحوار
ويمكن تكون مفاجأه
تحياتى
يامجرى ريق القلم على ورقه م الدفتر
اوعى لكلام خداع قبل الميعاد يفطر
خليه يكمل صوم لحد سبت النور
لو قش هوه ببنت بالتالته هيبصر
حقى اهرتل
بجد
حقك
بس فين رأيك فى الحوار؟
ولا انا مبفهمش ولا ايه؟
تحياتي إلى الصحفية شيماء الجيزي ولا أعتقد أنك الان مع إيقاف التنفيذ
تمنياتي أن تزوري مدونتي المتواضعة
ومين عارف ممكن اتشهر ويتعمل على موضوعات مدونتي حوار صحفي
تحياتي
http://sfahmy78.blogspot.com/2007/05/art-1958.html
http://sfahmy78.blogspot.com/2007/05/blog-post.html
http://sfahmy78.blogspot.com/2007_04_01_archive.html
احرجتينى
جدا انا كنت بارمى رباعيه فعلا عندك حق
بس انا قيت الحوار
ولما لقيتك
حد حقيقى رميت الرباعيه
Shreif fahmy
شكرا ليك على كلامك الجميل والله
وعلى فكره انا مش بعمل حوارات مع المشهورين فقط
يعنى ممكن تلاقى قريب فى حوار معاك
كل المدونين فى المدونون يتكلمون
مش البعض فقط
تحياتى ليك
حقى اهرتل
هو حد قالك اننا خيال؟
رباعياتك حلو فعلا
بس بترميها وتمشى
طب حتى مسى
ولا عبر البوست والكلام؟
حق العرب مش هاخده الوقت
لازم يكون ليا عندك حاجه
سعيده بتعليقك
تحياتى
برافو
براعة المحاور تظهر عندما يحاور شخصيه عاديه فيضيف لها العمق ويخرج ما قد يوجد من فكر كامن أو إحساسا غير مرئي
وعندما يشيد بالحوار اخرون فهذا معناه نجاح غير مسبوق للمحاور
الحال يختلف مع شخصيه دسمه وعميقة وذات فكر وثقافه ورأي فاعجاب الناس بالحوار ليس بالضرورة نجاحا للمحاور فقد يفسر وغالبا يحدث ذلك أن جمال الحوار نابع من جمال الشخص المجري معه الحوار الا اذا هوجم وبوغت بسؤال عبقري يظهر مالم يكن معروفا ويبين ما كان مجهولا عن عمق الشخصيه وسر من اسرارها
أرجوا أن تكون رسالتي وصلت
وتقبلى مني كل الإحترام والتقدير
وآسف للتأخير لظروف قهريه
ابدعتي كعادتك
و بجد ضيف قمه في الأخلاق و الأراء الجميله
تحياتي
على فكرة انا متابع حواراتك كلها يا شيماء
فعلا جميل جدا
وانا طبعا عاوز اجي معاكم في اي حاجه هتتقابلوا فيها
اي فعالية للمدونين
اعلنوا عنها انتم وملكوش دعوه
:D تشكرات كتير على مرورك على مدونتي المتواضعة
سلام
مميزة ومتفوقة كالعادة يا شيماء
الحوار الثالث الاجمل
تحياتى وللأمام
اولا احب اقولك وبكل امانه انك اتقدمتي كتير في مواضيع الاسئله والمامها بجوانب الشخصيه
تحدث ببساطه وفتح صدره وحياته (التدوينيه ) للجميع
معكم اليوم مصطفى فتحى ...وشباب شو
ايه الدخلات الجامده دي
عندي 3 اقتراحات لو هيفيدوكي تعملي ريفرش للحوارات:
1- انا مش عارف بتختاري الضيف الجاي علي اساس ايه؟ بس ممكن تعرضي اقتراحات ل3 شخصيات مثلا والمدونين يختاروا بينهم عن طريق التصويت في التعليقات
ولو تعملي فوتينج بوكس يبقي احسن
2-ممكن ولو ان ده يبان انه صعب : ان الضيف يفضل معاكي علي البلوج يعني يتابع التعليقات والتعليقات تبقي عباره عن اسئله يوجهها المدونين للضيف
3-ممكن لو تختاري مع كل ضيف موضوع معين قريب من تخصصه وفي نفس الوقت يكون مهم للشباب بحيث ان مايبقاش اغلب المحادثه للتعارف لا انتي هتطلعي منه بمناقشه وحلول والتعليقات هتزود سخونه الحوار شويه كمان
4-بجد هايله يا شيماء وكيب جوينج
احيييكي بجد يا صحفيه
احمد مختار عاشور
برافو لتعليقك
تحياتى
الملاح التائه
وصلت رسالتك صديقى الحزين
وارجو ..ان لا يدوم حزنك
تحياتى
•«ρяoιd»•™
الابداع يأتى من صاحب الابداع
وشكرا على كلماتك الجميله الخفيفه
وارجو ان يكون نال الحوار اعجابك
تحياتى
AbdElRaHmaN Ayyash
انا سعيده بتعليقك هنا فى مدونتى الصغيره
وسعيده جدا بكونك كنت متابع حواراتى
شئ يشرفنى جدا جدا
واحب اقولك ان المدونين بيتقابلوا فى لقاءات المدونين من فتره
ولكن متوقفه بسبب الامتحانات
وان شاء الله
ننتظرك بإذن الله فى اللقاء الجديد انت مرحب بيك فى كل وقت
شكرا لزيارتك وداوم على زيارتى بإذن الله
تحياتى
YHYيــوســف الـمصـرى
يوسف اشكرك على رفع معناوياتى واتمنى بالفعل
ان يكون الحوار اعجبك
تحياتى لشخصك المحترم
جواد بري
اولا انا مش عارفه اقولك انا قرأت تعليقك المهم جدا والقوى جدا جدا كام مره
بجد انا بكون سعيده جدا بالاقتراحات والتعليقات الايجابيه دى
بجد انا بحييك
ثانيا نكلم فى التعليق
سعيده اوى ان الدخله عجبتك
انا بحاول اغير فيها كل مره وجميل بجد انى تقدمت بالشكل ده
والى اسعدنى اكتر انك اشادت انى فعلا تقدمت فى الاسئله
رغم انى حسيت انى تقليديه شويه
وممكن تكون الاسئله مباشره
بس انا بحاول بجد اتفادى ده فى الحوارات القادمه
نيجى بقى للاقتراحات
اول اقتراح
بص يا سيدى اختيارى للمتحاور ممكن علشان اتجاه معين فى كتابته او ميل معين فى شخصيته او تفرده بشئ معين
زى مثلا خالد الصاوى
اول فنان ممثل مدون
وبردو مش بعتمد على شهرة المدون اكتر بس يمكن لانها اول مرحلة فى الحوارات وانا داخله حالياً فى المرحلة الثانيه
فيها اكيد مفاجأه
بس ان شاء الله هبتدى اتجه اتجاه تانى علشان مكنش فى مرحلة ثبات
وموضوع انى افعل الحوار مع الاصدقاء المدونين هيحصل ..وبفكر فيه بإذن الله
تانى اقتراح
والله اقتراحك ده حلو جدا جدا
ولونه صعب من جهة المتحاور
كمان فى الاسئله انا ممكن اعمل ده بإتفاق مع المتحاور الى يوافق
هاخده فى الاعتبار بجد
ثالث اقتراح
انت تقصد قضيه للناقش مع المتحاور؟
بس انا كده ممكن اخصص الحوار
وكمان هيكبر اكتر مهو كبير
مش هتملوا؟
هو فكرتك حلوة
هحاول افكر فيها ويمكن اعدل
رابعا
اقولك ايه اكتر من انك رائع
بتعليقك الايجابى ده والكلام الجميل كمان فى الاخر
عاوزاك متستهونش ابدا وعلق وقولى افكارك
بجد
بحييك
تحياتى
منتظر تعليقك على البوستات اللي بعتهالك
حوار شيق مع انسان جميل و لو أني متكلمتش معاه كتيير يوم الندوه بس تتعوض باذن الله
أحييكي علي حماستك في تشجيع المدونييين و دفعهم للامام
تحياتي لكي
Shreif fahmy
علم يا فندم
micheal
مايكل اشكرك كثيرا على كلماتك ودفعاتك الرائعه
تحياتى لك صديقى
بجد حوار جميل ... بعيدا عن ان الاسئله تقليديه او غير تقليديه , الى عاجبنى فيها انها بتلخص مدونه الضيف للقراء .. يعنى لو حد مدخلش عند مصطفى خالص هيفهم هو بيتكلم عن ايه
استمرى يا شيماء
فكرة المدونون يتكلمون فكرة رائعة احيكي عليها و بالاسئلة الجميلة
Mohamed Hamdy
محمد كلامك فى فكره انا حبيتها جدا
ان الاسئله بتلخص مدونة الضيف
وانا بالفعل اتمنى ذلك
اشكرك بجد عى كلماتك
واستمر انت ايضا
تحياتى اخى الكريم
عمرو غريب
سعيده بالمدون الرياضى يكون عندى فى البلوج
بجد بحب كلامك جدا وارائك الرياضيه
شكرا ليك
تحياتى
جيت ارمى السلام وبس
ومستنين الجديد
تحياتى
بصراحة انا مش كنت اعرف مصطفي
بس شيماء بجد انتي عبقرية بجد انك عرفتينا علي شخصية زي شخصية مصطفي
بجد انتي رائعه وبجد ليكي مستقبل كبير اوي
ربنا يوفقك يارب
ومستنين الحوارات التانية
YHYيــوســف الـمصـرى
منورنى ديما يارب
ازيك كده وازى احوالك
يارب تكون بخير
وانتظر كل ما هو جديد بأذن الله
تحياتى
smraa alnil
أنوججججججج
وحشانى جدا
ربنا ميحرمنى من طلتك عليا ابدا ابدا
متشكره على كلامك الحلو ده بجد
وياريت يكون فعلا الحوار عجبك
واستنى كل جديد عندى بأذن الله
تحياتى يا قمر
جميل اوى الحوار ده وجميله اوى الفكرة
أشكرك يا شيماء لدعوتك لي لمتابعة مدونتك الجميلة
لقد إستمتعت كثيراً بمتابعة بعض الحوارات التي أدرتيها مع المدونين
تحياتي لك ولكل ضيوفك في تلك المدونة الجميلة
أسامة عبد الصبور
nirfana
اولا ارحب بيكِ فى مدونتى واهلا بزيارتك
واتمنى ان تكون زياره دائمه
اما ثانيا فشكرا لكِ على كلماتك الجميله
ورأيك (الجميل) فى الحوار والفكره
مرحب بكِ فى اى وقت
تحياتى
أسامة عبد الصبور
الشاعر الجميل ..الذى دوما احببت شعره
مرحبا بك فى مدونتى المتواضعه
واشكرك كثيراً انك قبلت دعوتى بزيارتها
فكم احب ان اتواصل معك بعد غلقى لمدونتى القديمه
وسعيدة ايضا بمتابعتك لبعض الحوارات التى قومت بها
وارجو ان تتابع ما سوف يورد الى المدونه بإذن الله
تحياتى لك واتمنى ان تزور مدونتى مره آخرى
تحياتى
إرسال تعليق