يوميات حرف العين " عانس وعازب "

يوميات عازب الحلقة الاولى

******************

احمد يوسف عبد الله المصرى ...اسمى يوحى بحرفية شديدة وشبابيه الا اننى اشعر بأحساس من فقد الامل فأنا الآن فى الخامسة والثلاثين ولا اجدها او ..قد تقولوا محاولات فاشله ادت الى اليأس او النحس الشديد " فانا منحوس بدرجة امتياز " ، فخطوباتى الماضيه كانت فاشله جداً
آه ..من تلك الذكريات ..هه يكفى تذكر يــ....
" شط اسكندريه يا شط الهوى ..روحنا اسكندريه رمانا الهوى "

...: الو
....: الو ...ايوة يا احمد ازيك
....: ازيك يا محمد ...ايه فكرك بيا يا عم
....: يا سيدى بسأل عليك ... انت لسه مجوزتش مش كده؟ اصل انا عندى ليك عروسه ايه...اخت مراتى هى اينعم مطلقه بس معاها شئ وشويات
....: ..................!!!
.....: ها رأيك ايه؟

.....: تيت ..تيت ..تيت!!

ها هى قد بدأت التداعيات التى جعلتنى اكتب تلك اليوميات ، فأنا فى صراع صامت ولابد ان افرغ الشحنات المكبوته بداهلى ، لا تعتقدوا او تصدقوا ان الفتاة هى وحدها من تعانى مع كبر سنها فالشاب ايضا يعانى وانا عن تجربه حقيقيه اقولها ..أنى اعانى
من احد الاشخاص الذى ادعى انه صديق لكن المصلحة اقوى " اشتغل خاطبه لاخت مراته" لكى يرضى المدام ويكسب من وراء صديقه وزوجته ، قابلت الكثير من هذا والكثير ممن كانت لى معهم قصص الخطوبه المنحوسه وقلت فرص الرضى بى ..نعم فالشاب ايضا يأتى له الوقت ويقل امامه الفرص ويفلت منه القطار

انا الآن تعديت الخامسة والثلاثين واعيش مع والدتى فى اجمل بقاع الارض " الاسكندريه " معشوقتى الاولى ..واظنها ستكون الأخيرة ، اعمل مهندساًَ فى احدى شركات المقاولات الكبرى ، واول كارثه فى حياتى زملاء مكتبى جميعهم من النساء ، وللعلم ما ان يدخل رجلا اعزب مكتباً به نساء حتى يبدأ البث المباشر ، نعم الـ.......
" شط اسكندريه يا شط الهوى.... روحنا اسكندريه رمانا الهوى "

.....: الو...ايه يا عم احمد هتفضل قاعد فى البيت كتير
.....: ايه يا حسن ..داخل حامى عليا
.....: قوم ...قابلنى يلا على القهوة ...انا مصدقت فلت من مراتى
.....: يا بختك يا عم
.....: يا بختك انت ...يلا مستنيك
.....: حاضر .....سلام
.....: سلام