صوت مدون

كان من المفترض ان اكتب عنه من قبل فترة ولكن مشاغلى بيه واهتمامى ان يخرج للجميع بشكل جيد كما تخيلته ولأنه عن اناس امتازوا عن مجتمعنا وكونوا هذا المجتمع الذى ما ان انغمست فيه حتى عشقته

لن اطيل فى مقدمة ادبيه ، لكن انا اتحدث عن برنامج صوت مدون ، هذا البرنامج الذى اعتبره نقطة انطلاق لى

كنت اتمنى انى اتكلم عنه من البداية او حتى مع اول حلقة نزلت لكن قدر الله ومشاء فعل ، البرنامج حوارى بنستضيف فى كل حلقة مدون

ولأنى المعدة للبرنامج فأنا من خلال بحثى عن المدونين لكى اختار الضيوف اكتشفت ان عالم المدونين ده كبير جدا جدا مش اللى حولينا بس

المهم ..برنامج صوت مدون على إذاعة اسلام اون لاين زى مقولت يستضيف فى كل حلقة مدون وهو برنامج حوارى يذاع مرة كل اسبوع

وحابه شوية انى احكى عن الكواليس ، واول شخص اعتقد انى لازم احكى عنه هو باسل سمير المخرج اللى لازم اشكره على مساعدته ليا واهتمامه انه يطلع البرنامج بشكل جميل كده ، وعبدالله فرج مهندس الصوت البشوش الرائع ..اللى مخلى الصوت يجنن ..واحمد القطب مقدم البرنامج ( من وراء الميكروفون ) والذى اعتبره فى هذه الفترة قدوة التقديم الاذاعى وايضا اللى اكتشفت انه مدون ..واخيراً انا شيماء الجيزى معدة البرنامج

إلى الآن فى ثلاث حلقات من صوت مدون ..والرابعه بأذن الله يوم الاثنين القادم " بث مباشر" واعتقد ان الحلقة دى بالذات هتكون من نار

اول حلقة كان المدون مصطفى البقالى مدون مغربى وصحفى فى الجزيرة توك وصاحب مدونة مسألة مبدأ وهو مدون سياسى وبالاخص مدونة رفضنا اللى هى رافعه شعار لا للتطبيع مع اسرائيل وعامله لهم دوشه جدا هناك، وكنت انا مش ضيفه ولكن كنت بعرف يعنى ايه تدوين وازاى تعمل مدونه وهكذا ، والحلقة الثانيه كان المدون المشهور المحبوب محمد عبد الغفار ومدونته فى العمق مكان للحريه ..كانت فعلا حلقة اكثر من رائعه ، اما الحلقة الثالثه فكانت المدونة الجميلة ذو الملامح الفلسطينيه الرائعه علا عنان ومدونتها من غزة فعلا عيشتنا فى غزة وقت الحلقة

بشكرهم كلهم ، وبشكر كمان كل مدون هيكون ضيف فى البرنامج ..اتمنى من كل زملاء التدوين انهم يصرحوا برأيهم فى البرنامج ، حتى لو كانوا ضيوف واعتقد ان الجميع هيكون بأذن الله

انا بجد سعيدة بالبرنامج وسعيدة انى اخيراً كتبت عنه

تحديث

وصلتنى رسالة من المدون محمود صاحب مدونة

آلام وآمال

بها هدية لا اعلم كيف اشكره عليها

وهى كود البانر لبرنامج صوت مدون

لو دوست على الصورة

هتظهر صفحة البرنامج على

موقع اسلام اون لاين

شكرا لمحمود

وشكرا للمدونين كلهم

وصلتنى باقى الهديه من محمود

كود للى يحب يعلن عن البرنامج فى مدونته

<br /><div align="center"><a href="http://www.islamonline.net/Arabic/Broadcast/radio/programs/topic_04/index.shtml" target="_blank"><br /><br /><img alt="برنامج صوت مدون على إذاعة إسلام أونلاين" src="http://img235.imageshack.us/img235/8792/055hw5.jpg" /></a></div><br /><br />

شكرا لمحمود مرة تانيه